ابحث عن السعادة
ابحث عن رحلتك
اختر المدينة
اختر النوع
اختر المدة
اختر المناسبة
اختر من
اختر الى
اختر الفندق
اختر السعر



عرض رحلة اليوم الواحد - سانت كاترين - سفاري مصر

تفاصيل العـرض :

عايز تشوف التلج فوق الجبال عندنا في مصر (زي اللي في أوروبا و أمريكا كده !!) تعالى معانا السفاري الجامدة دي . بس اعمل حسابك يا معلم انك هتقضي الليلة تطلع " جبل موسى " حاجة كده زي أربع أو خمس ساعات , وأخر شوية في الطلوع 770 سلمة ( كل سلمة منهم صخرة أعلى من السلالم اللي في بيتكم مرتين تلاتة ) . لكن بقا مكافأتك هتاخدها لما تطلع قمة الجبل و تشوف الشمس و هيا طالعة من ورا الجبل ساعة الشروق و تشوف مناظر مشافتهاش عينك قبل كده , و طبعا هيبقى عندك فرصة تاخد صور كتير فوق الجبل و انتا نازل كمان . وبعد بقا لما تنزل و تستريح شوية (حوالي 9 صباحا ) هنخليك تزور (دير سانت كاترين ) و تشوف ( الكنيسة الكبيرة) و الرسومات الملونة على سقفها . و كمان هنوريك (الشجرة المعلقة) اللي ربنا كلم عندها سيدنا موسى عليه السلام , و أغرب حاجة مسجد (طوى) داخل الدير , ده غير (المكتبة) و (غرفة الجماجم) و بعد كده هنروح نزور (مقام النبي هارون) و (مقام النبي صالح ) , و هنتصور جمب (العجل الذهبي) اللي بني اسرائيل عبدوه , ومن هناك هنروح على (بئر مدين) اللي قابل عنده سيدنا موسى بنات سيدنا شعيب , و جمبه علطول "مركز زوار محمية سانت كاترين" وفيه هنتعرف سوا على أكبر القبائل البدوية في سيناء و أهم تقاليدهم ,وكمان أهم حيوانات الصحراء. و لو مش مكفيك كل ده بقا يا معلم تبقى تركز بقا معايا في مفاجأة الرحلة في الطريق و احنا رايحين سانت كاترين هنعدي علي طابا و هنتصور هناك في أحلى مكان في جزيرة فرعون و قلعة صلاح الدين . وكمان هنعدي علي خليج (فيورد باي) في نويبع و ده الي اتصور فيه فيلم الطريق الى ايلات حاجة كده يعني وهم تحس ان احنا مش في مصر أصلا ;) وطبعا البحر في الاماكن دي مالوش حل بس للأسف مش هنقدر ننزل عشان الجو هيبقى تلج في الوقت ده . -برنامج الرحلة :- -التاريخ : يوم الجمعة 25/12/2015 -التجمع: الساعة 9 صباحا و التحرك الساعة 10 -مكان التجمع: أمام مول القوات المسلحة في مدينة التوفيق .شارع ابن فضلان متفرع من الطيران و يوسف عباس . بالقرب من رابعة العدوية - وصول طابا حوالي الساعة 3 عصرا و التوقف للاستراحة و التصوير -ثم التوجه الى نويبع حيث خليج فيورد باي و التوقف للتصوير - التوجه لمدينة سانت كاترين و الاستراحة في الكافيتيريا و الاستعداد لصعود الجبل -وهيكون في جولة حرة في المدينة للتسوق و شراء متطلبات الجبل . -بدء صعود الجبل من الساعة 1 صباحا (يستغرق الصعود من 4-5 ساعات) -مشاهدة منظر الشروق فوق الجبل و تصوير المناظر الرائعة - نزول الجبل و زيارة المزارات -وأخيرا التوجه الى القاهرة ظهرا و الوصول مساء السبت 26/12/2015 *تكلفة الرحلة :- 130 جنيه فقط تشمل : -التحرك بأتوبيسات سياحية حديثة - الدليل البدوي المرافق لصعود الجبل - دخول مزارات محمية سانت كاترين **ملحوظة هامة : لازم تلبس الدولاب كله وانتا جي الجو فوق الجبل هيكون تلج تلج بمعنى الكلمة و متنساش كمان تلبس جوانتي تقيل و أيس كاب وأهم حاجة طبعا تجيب معاك كشاف كويس عشان و احنا طالعين الجبل بليل . للحجز والاستعلام :- Ahmed Gom3a 01117863143 Ahmed Ramadan 01114544984 Dr:Khaled 01141370896 follow us in facebook : https://www.facebook.com/safarymisr/

اسـم المدينـة :   سانت كاترين

جولات ورحلات :   غير شامل

نظام الوجبـات :   غير متاح

وسيلة السـفـر :   أتوبيس

نـوع الـسـعـر :   باقة

سـعـر الـعـرض :   130 جنيه

بداية الـعـرض :   2015-12-25

نهاية الـعـرض :   3000-03-30

لمتابعة اخبارنا
جميع الحقوق محفوظة
X

ادخل بريدك

لتعرف كل ما هو جديد
 بالبريد  بالهاتف


يمكنك الغاء اشتراكك فى اى وقت